Infurmaziuns generalas

Versiun online da la banca da datas linguisticas da la Lia Rumantscha (LR) installada en l'internet en collavuraziun cun la Giuventetgna Rumantscha (GiuRu).

236,858 endataziuns.

Quest Pledari Grond online sa basa sin la banca da datas linguisticas da la LR, sviluppada dapi il 1982 en connex cun la creaziun dal rumantsch grischun, l'innovaziun linguistica e l’ulteriura standardisaziun dal rumantsch grischun. Il num "PLEDARI" stat per ina collecziun da pleds senza tut las indicaziuns grammaticalas usitadas en dicziunaris e vocabularis tradiziunals, dentant cun numerusas propostas per il diever dals pleds e modas da dir actualas. Il Pledari Grond online è la pli voluminusa collecziun da pleds rumantschs accessibla al public. Il Pledari Grond online vegn actualisà mintga di tant da la redacziun sco era da ses utilisaders.

In pledari d’ina lingua n’è dentant mai cumplet e terminà. Uschè ditg che la lingua viva, sa sviluppa e crescha quel, s'adattond organicamain als basegns communicativs da la cuminanza linguistica. Tut las utilisadras e tut ils utilisaders èn envidads da contribuir activamain al svilup dal Pledari Grond online. Tgi che na chatta betg in pled u in'expressiun po far propostas cun il formular correspundent (cliccar sin il buttun 'far ina proposta' ed il formular cumpara). Tgi che vesa in sbagl po proponer la correctura u scriver ina remartga medemamain cun il formular correspundent (cliccar sin il buttun 'modifitgar' ed il formular cumpara).

Questa pagina-web utilisescha Google Analytics, in servetsch per analisar il diever da websites da Google Inc. ("Google"). Google Analytics fa diever dad uschenumnads cookies. I sa tracta da datotecas da text che vegnan memorisadas sin Voss computer. Quellas pussibiliteschan d'analisar Voss diever da la pagina-web. Las infurmaziuns davart Voss diever da questa pagina-web (incl. Vossa adressa IP), generadas dal cookie, vegnan transmessas ad in server da Google en ils Stadis Unids da l'America ed arcunadas là. Google vegn a far diever da questas infurmaziuns per analisar co che Vus utilisais la pagina-web, per cumpilar rapports davart las activitads sin la pagina-web per mauns dals administraturs da la pagina-web sco era per porscher ulteriurs servetschs colliads cun l'utilisaziun da la pagina-web e da l'internet. Google po dar vinavant questas infurmaziuns a terzs, premess che quai saja prescrit legalmain ubain uschenavant che terzs elavuran questas datas per incumbensa da Google. Google na vegn en nagin cas a metter en connex Vossa adressa IP cun autras datas da Google. Vus pudais configurar Voss navigatur uschia che l'installaziun da cookies vegn impedida. En quest cas na pudais Vus però eventualmain betg utilisar cumplettamain tut las funcziunalitads da questa pagina-web. Cun utilisar questa pagina-web declerais Vus dad esser d'accord che Google elavura datas davart Vus tenor il proceder descrit e per l'intent numnà.

© Lia Rumantscha, CH-7000 Cuira

Concept e realisaziun
Lia Rumantscha, Anna-Alice Dazzi e Daniel Telli

Redacziun actuala dal Pledari Grond online
Daniel Telli
Marietta Cathomas Manetsch
Gabriela Holderegger Pajarola
Angela Schmed Bass
Marina Wyss

Anteriuras redacturas ed anteriurs redacturs
Georges Darms
Anna-Alice Dazzi Gross
Manfred Gross
Annetta Zini

Programs
Jürgen Rolshoven
Claes Neuefeind
Stephan Schwiebert
Mihail Atanassov
(Institut für Linguistik, Sprachliche Informationsverarbeitung, Universität zu Köln)

Design grafic
Remo Caminada, www.remocaminada.com